Glöyn gwyn a du deniadol neilltuol yw’r Gweirlöyn Cleisiog, y mae’n anodd ei gamgymryd am unrhyw rywogaeth arall. Ym mis Gorffennaf mae’n hedfan ar draws glaswelltiroedd heb eu gwella, lle gall fod yn niferus iawn. Mae’n dra hoff o flodau porffor megis Mintys y Graig, Clafrllys, Ysgall a Llysiau Pengelyd. Gellir gweld y glöynnod mewn oed yn clwydo hanner ffordd i lawr coesau glaswellt tal.
Fe’u ceir ar laswelltir blodeuog, ond maent yn crwydro i mewn i erddi yn ogystal. Mae’r rhywogaeth hon ar led yn ne Prydain, ac mae wedi ymledu tua’r gogledd a’r dwyrain dros yr ugain mlynedd ddiwethaf; mae poblogaethau ymylol yn Swydd Efrog a De Orllewin Cymru.
Maint a Theulu
- Teulu: y Browniaid
- Maint: Canolig
- Amrywiad yn lled yr adenydd (rhwng gwrywod a benywod): 53-58mm
Statws o ran cadwraeth
- Blaenoriaeth Gwarchod Glöynnod Byw: Isel
- Statws Ewropeaidd: Heb fod dan fygwth
Planhigion Bwyd y Lindys
Credir bod Peiswellt Coch (Festuca rubra) yn elfen hanfodol yn neiet y larfâu, ond mae’n bwyta Peiswellt y Defaid (F. ovina), Cawnen Benwen (Holcus lanatus) a Glaswellt Twr (Brachypodium pinnatum) hefyd. Credir ei fod yn defnyddio sawl math arall o laswellt, ond ni wyddys pa mor eang yw’r amrediad llawn.
Dosbarthiad
- Gwledydd: Lloegr a Chymru
- De a chanol Lloegr, tua’r gogledd mor bell â Swydd Efrog, a De Orllewin Cymru
- Tuedd y dosbarthiad ers y 1970au = +11%.
Cynefin
Glaswelltir tal heb ei wella. Ceir y poblogaethau cryfaf ar laswelltiroedd sialc neu galchfaen, ond defnyddir cynefinoedd eraill hefyd megis rhodfeydd a llennyrch mewn coetiroedd, glaswelltir arfordirol, ymylon ffyrdd ac argloddiau rheilffordd.
Ffeithlenni
- Butterflies and farmland / Glöynnod byw a thir amaethyddol
pdf 481Kb
- Farmland Butterflies ID chart / Siart Adnabod Glöynnod Byw Tir Amaethyddol
pdf 2.3Mb
- Gardening for Butterflies and Moths / Garddio er lles Glöynnod Byw a Gwyfynod
pdf 285Kb
- Butterflies in towns and cities / Glöynnod byw mewn trefi a dinasoedd
pdf 561Kb